شرح بالصور اقوى برنامج تورنت للتحميل BitSpirit

السلام عليكم

اذا ودك تشوف وتنزل الأفلام اجنبيه اليديد والجديم منها واللي ما انعرضت بالامارات بنفس يوم عرضه بامريكا او عقب كم من يوم .. واذا ودك تشوف الكرتون والرسوم العربي والياباني الجديم واليديد.. واذا ودك تشوف عروض المصارعه الحره بنفس يوم عرضه بامريكا او عقبه بيوم .. وغيره غيره .. واذا تبا كل هذا تعال قرب عندي .. ترى هذا هو التورنت واللي يميزه ان ملفاته صالحه دوم للتحميل

بهالموضوع بشرح برنامج BitSpirit للتورنت وهو برنامج من بين برامج وايد للتورنت بس هذا انا ارتاحله وايد وهو ممتاز ..

وانا تعبت على هالشرح وايد وايد وبذلت فيه مجهود وخذ مني وقت وايد واتمنى انكم تستفيدون والشرح يكون واضح وهو سهل بس انا حطيت صور وايد عشان تكون سهله عليكم ..

يالله نبدأ ..

أول شي نروح ونضغط على هاللنك عشان نبدأ ننزل البرنامج
http://fileforum.betanews.com/downlo...t/1064929835/1

وننزله بهالطريقه نضغط عالكلمه بالمستطيل وعقب نسوي save وونزله على سطح المكتب يعني عالدسكتوب ..مثل ما نشوف بالصوره


عقب ما نزلنا البرنامج على سطح المكتب بنشوف مثل الصوره


الحين نروح ونضغط عليه مرتين .. وعقب بيتبطل مستطيل .. نتأكد ان عند الرقم (1) اللغه انجليزيه وعقب نضغط ok عند الرقم (2)


عقب بيطل لنا مربع .. نضغط Next .. وكله نكست نكست نتم نضغط


الين تطلع لنا آخر شي Finish


الحين راح يتبطل لنا البرنامج


عقب ما تبطل البرنامج .. نروح فوق عند رقم (1) Option .. وعقب نختار رقم (2) Setting Wizard


عقب بيطلع لنا مربع نضغط على كلمة Next


هني نختار خط الاتصال اللي نستخدمه يعني خط النت .. انا عندي شامل واخترت DSL وعقب نضغط Next الين اخر شي يعني كله نكست نكست الين يتسكر المربع


الحين نروح عند رقم (1) Option وعقب عند رقم (2) نختار Preferences


هني نختار من فوق Running Staus مثل ما مبين .. والمربع الصغير اللي تحت فيه رقم .. هالرقم يعني انا حاط 3 يعني اروم انزل 3 ملفات مره وحده بنفس الوقت .. ولو كان عندي 4 ملفات وانا حاط بالمربع 3 .. يعني الين ما يخلص ملف من الملفات الـ 3 تحميله .. عقب الملف الرابع بيبدأ تحميله


الحين نروح وننزل صفحة البرنامج مثل ما نشوف بالصوره


بنحصل فوق عقب ما نزلنا البرنامج مستطيل اخضر طويل


هني اول شي تروح عالمستطيل آخر شي عاليسار تضغط عليه بالماوس رايت كليك وعقب غي Download speed نح آخر شي من تحت 1024


مره ثانيه نروح عن المستطي الاخضر آخر شي عاليسار نسوي رايت كليك وعقب Uploud Speed نختار أول واحد فوق اللي 10


علطول راح يطلع لنا مربع نختار No


+ + +

ألحين ضبطنا اعدادات البرنامج .. والحين لازم نييب ملف اللي نبا نحمله .. وهالملف يمكن فلم اجنبي او عربي او كرتون او انيمي او العاب او برامج او اغاني او او او .. اللي يخطر ببالك .. وملفات التورنت في مواقع خاصه لها عربيه واجنبيه نييب منها الملفات ..

مثلا نروح على موقع

http://www.torrentspy.com

وانا بغيت شي عن المصارعه وكتبت عبارة المصارعه wwe اختصار لها وانت اكتب اللي تبيه اسم الفلم او الكرتون اوغيره ..


وعقب يوم كتبت طلعلتي النتايج على هالشكل وكل شي موضح تحت شو معنى العناوين .. والسيدرز اهم ما في الموضوع كله .. والتورنت سرعته بالسيدز اذا زاد عددهم زادت سرعتك ..


المهم انا عقب المصارعه دورت شي ثاني صغير عشان اراويكم كيف وما تطول السالفه ^_^
دورت مقاطع من فلم X Men اليديد وحصلته .. وضغطت على اسم الملف


الحين اضغط على كلمة Download Torrent


عقب اسوي save


أخزنه على سطح المكتب .. الدسكتوب


عقب ما نزل الفايل .. بيكون مثل هالشكل .. ونضغط الحين عليه مرتين


بيطل مستطيل ..هني بالرقم (1) نضغط عليه وعقب بيطلع لنا مربع .. ونختار المكان الي نباه ينزل فيه الفلم او غيره عقب ما يخلص تحميل ويوم نختار نضغط Ok اللي هو رقم (2)


للي ما يعرف او ما تبطل البرنامج ترى هو موجود تحت بالزاويه .. نضغط عليه مره بالماوس وراح يطلع وبنشوفه


الصوره هني توضح الملفين اللي يالس احملهم وحجمهم وكم نسبة انتهاء التحميل وكم سرعة التنزيل (للعلم يوم يخلص التحميل بتكون نسبة انتهاء التحميل 100%)
والتحميل الين يبدأ يباله وقت مب علطول بيحمل


بهالصوره.. التحميل للملف الثاني خلص .. والعلامه الخضره صارت برتقاليه ونسبة التحميل كانت 100% يعني انتهى التحميل والشي اللي نزلناه نروم نشوفه


هني نخلي بالنا شوي .. نروح عالملف اللي خلصنا تحميله ونسوي رايت كليك وعقب من اللسته نختار Delete Torrent وعقب نختار Delete Jop Only


وعقب رحت عالمكان اللي اخترته انا .. ان يوم يخلص التحميل ان ينزل فيه وانا حطيته بفولد خاص بداريف F بكمبيوتري .. واراوح اشوفه .. وهذا هو الملف اللي خلص والملف الثاني بعده ما خلص التحميل


+ + +

وهذا ملف تورنت .. حمله وببطله ببرنامج وينرار او وينزيب .. وشغله ببرنامج التورنت وشوف شو يصير وياك
http://www.up4world.com/download.php...Be6NbEw6FogFyy

الموضوع منقول للامانه