مهم جدا جدا جدا لحماية ايميلك من السرقة وتسهيل استرجاعه لو انسرق

السلام عليكم ..

ألاحظ يا جماعة في الأيام الأخيرة .. كثرة سرقة الايميلات ..
المهم .. بهالموضوع ..

راح أتكلم عن الوسائل للحماية من السرقة ..

طرق السرقة كثيرة ..

1- اختيار أرقام سرية سهلة ..

2- فتح أي روابط مشبوهة ..

3- قبول محادثات صوتية مع ناس غير معروفين ..

4- دخول البريد عن طريق مواقع مزيفة توهمك إنها تابعة للهوتميل ..

5- التجاوب مع رسائل تصلك على الايميل بعنوان reset your password أو اعادة تعيين كلمة المرور حتى لو انك ماطلبت تغييرها ..

نجي لوسائل الوقاية من سرقة البريد ..

1- يجب اختيار رقم سري صعب التخمين .. ويكون فيه أرقام وحروف كبيرة وحروف صغيرة ورموز مثل %#@&*

2- عدم فتح أي رابط يصل إلى الايميل دون التأكد من الشخص المرسل .. وغالبا هالروابط تجي بعناوين فيها آكشن مثل شوف هالحقير أو أبي رأيك بهالبطاقات أومدري ايش

ومن الروابط المشبوهة المنتشرة هاليومين ..

لا تفتح هالراوبط .. فقط اعرفها ..

WWW.MLIKAT.COM

ًًwww.93alik.com

ومن الايميلات المشبوهة ..

amany_5566@hotmail.com


3- عدم فتح أي محادثة صوتية مع ناس مجهولين وإذاكان الشخص معروف يرجى التأكد من شخصيته لأنه ممكن يكون ايميله مسروق ..

5- عدم تسجيل الدخول في أي مكان ماعدا مواقع مايكروسوفت المعروفة .. وهي
www.hotmail.com
www.passport.com
www.passport.net
أو
الماسنجر طبعا ..


يعني قبل ما تسجلون الدخول في أي موقع تأكدوا انكم انتم اللي كاتبين العنوان مو عن طريق رابط أوتأكدوا من الرابط الموجود في مكان العنوان لأنه ممكن أحد الهاكرز مسوي صفحة شبيهة بالهوتميل في موقعه وتظن انها هوتميل وأول ماتسجل دخول تروح معلوماتك له ..

وغالبا ما تكون الخدعة هذي عن طريق ايميل يوصل لك ويقول لك ادخل هالرابط لزيادة مساحة ايميلك وأول ما تدخل يطلب منك المعلومات ..

6- لا تتجاوب مع أي رسالة تطلب منك اعادة تعيين كلمة المرور reset your password إلا في حالة إنك أنت اللي طلبت اعادة تعيين كلمة المرور .. ولا تفتح الروابط اللي فيه احذفه على طول ..

أما اذا انت طلبت تغييرها بنفسك ووصلك مثل هذا الايميل افتحه عادي ..

واذا طلبت تغيير الكلمة بيوم من الأيام ووصلك ايميل من مايكروسوفت لاعادة تعيين الكلمة تأكد إن الايميل موجه لك شوف أول الرسالة بعد كلمة hello لازم يصير ايميلك انت مكتوب مو ايميل ثاني ولا ايميل وهمي

hello xxx@hotmail.com


7- الاهتمام بالسؤال السري والجواب السري وتسجيله في ورقة خارجية ..

8- وضع ايميل بديل. لأنه لو انسرق الايميل يمكن استرجاع الكلمة السرية على البريد ..

9- سو تغيير بسيط في الماسنجر عشان ما يحفظ الكوكيز اللي يحتوي على الكلمة السرية في جهازك ويرسله للهاكر ..

افتح الماسنجر ..

ادخل أدوات tools

ثم خيارت options

من القائمة الجانبية اختار أمان security

حط صح في أول مربع من الأعلى ..

وبعدين اوكي ..


...

وسائل استرجاع البريد في حالة سرقته ..

أول طريقة هي محاولة استرجاعه عن طريق السؤال السري أو البريد البديل ..

اذا كان السارق غير المعلومات هذي فالطريقة الجاية هي الحل ..

أولا .. فيه معلومات لازم كل شخص يسجلها عنده بورقة خارجية لأنها مهمة جدا جدا جدا وعن طريقها ممكن نسترجع أي ايميل مسروق ..وبالنسبة لي شخصيا ساعدت ناس كثير عن طريق هالمعلومات ..

ادخلوا هالموقع ..

www.passport.com

واختار account services أو خدمات الحساب

سجل دخول ..

راح تطلع لك معلومات مختصرة عن ايميلك ..

خذ منها أول معلومة وهي تاريخ فتح الايميل .. جنبها مكتوب registered since وبالعربي مسجل منذ ..

..


بالأسفل فيه registered information

اضغط عليها

وتطلع لك معلومات ايميلك ..

احفظوا منها الاسم الاول والأخير وتاريخ الميلاد والبلد والمدينة والرمز البريدي اللي هو zipاوpostal code

وبعدين ..

افتح البريد بشكل عادي ..

وشوف وش المجلدت اللي سبق وأنشأتها (اذا كنت مسوي مجلدات اضافية غير مجلدات الهوتميل inbox وغيرها)

بصراحة أنا أنصح انكم تسوون لكم مجلد وتسمونه اي اسم تحفظونه وحتى لو ما استخدمتوه ولكن بس لأغراض استرجاع الايميل لأنهم راح يسألون اذا فيه اسماء مجلدات فاذا عطيتهم اسماء مجلدات رح يكون أفضل عشان يتأكدون من شخصيتك ..

..

اذن المعلومات المطلوب تسجيها في ورقة خارجية:

1- الاسم الأول.
2- الاسم الاخير.
3- تاريخ فتح الايميل.
4- تاريخ الميلاد.
5- الدولة.
6- المدينة.
7-zip أو postal code
8- أسماء أي مجلدات تم انشاءها.
9- عدد خمسة ايميلات على الأقل من المضافين معك في الماسنجر.
10- عدد 5 ايميلات من الموجودين في الادرس بوك اذا كان عندك أحد مضاف فيه.
11- عنوان أي رسالة قديمة موجودة في ايميلك مع ايميل مرسلها.

وجود هالمعلومات أو حتى بعضها ضروري لاستعادة الايميل ..

....


حاجة مهمة:

اذا كنت من مستخدمي الماسنجر .. وانسرق ايميلك شي طبيعي راح تفقد كل الايميلات المضافة عندك ..

لذلك خلك حريص ودامك بوقت الرخا وايميلك عندك احفظ قائمة الماسنجر كلها عندك .. بحيث انك اذا انسرق ايميلك ولا قدرت ترجعه على الأقل يبقى عندك ايميلات أصدقائك وتقدر تضيفهم في أي ايميل جديد بضغطة زر ..

لحفظ القائمة :

سجل دخول بايميلك بالماسنجر ..

في القائمة الرئيسية للماسنجر اضغط على contacts (جهات الاتصال) تلقونها فوق جنب ملف file

واختاروا منها الخيار قبل الأخير save contacts list حفظ جهات الاتصال ..

واختاروا حفظها على كومبيوتركم ..

وفي حالة سرقة الايميل وما قدرتوا تسترجعونه تقدرون تفتحون ايميل جديد وترجعون فيه كل اللي كانوا عندكم بالماسنجر بحركة وحدة فقط دون الحاجة لاضافتهم واحد ورا الثاني .. واذا رجعتوا الايميل وكان الحرامي نذل وحذف كل اللي عندكم بالقائمة تقدرون ترجعونها كمان ..