دارميات عراقية

دارميات


رش الدرب تيــزاب حافي أعتـني لـَــــــــك
جا شٌـلي بالرجليـن الما تجي لــــــــــــك
لو ترِش مو تيــزاب لو تزرع ألغــــــــــام
اللحم خلـٌه إيروح أوصلــــٌك إعظــــــــام

أُوصـَـل إل حي إهواي لو تشبـج إرمـــــاح
والمعتـني الطيبــات مو فشـله لو طـــــــاح

زيبكَ إبكف سكران خـَلٌتني دنياي
مابيه أجيك إزحــوف ولابيه مشـٌاي

الدنيا بس وياي شـَدت عداوه
ولا واحد إمن الناس لجروحي داوه

الدنيا للتِـــهواه تفتحلـَـه الأبواب
ينزاح حتـٌى الكَيـظ ويصيــر خنياب

الدنيا للتهِـواه تِركَص إمفرعــه
وآنه تجيني إبموس وتكَلي إبلعــه

الدنيا للتهواه تركَصله جــوبي
وآنه الفكَر يا ناس شكَــٌالي ثوبي

يالكَلت سبع سنين عمر الكَلب شـــاط
آنه لفاني الظيم من لف الكَمــــــاط

الواشــي فنـٌـه إيفـوت الواشـي فنـــٌــــــــه
دم للرجــــــاب إيصيــر وآخذها منــــــــــــه

دم للرجـــاب إيصيــر متعَـجٌب إبهـــــــــــاي
بالدم مِشـــه المشحــوف متعــٌني لهـــــــــواي

بالدم مشــه المشحوف منها وتكفيــٌـــــــــت
آنه أكسر التابوت وآكل لحم ميــــــــــــــت

أطلـَـك وأعت بالكًـــــاع مثل المعســــــره
حسبالي عشـر إفروخ تاليــها حســــــــــره

حسـرَه إلكْ بالدَلال ظـلـٌتْ لما أمـــــــــوتْ
ماتدري حقها الناس إصوابي بسكـــــــــــوتْ

هاك أبرَه . , هاك الخيط خويـه أرد أكلفـَـــــــــك
أمسرٌد الدلال شِــلـٌــــه إعلى عِرفَـــــــــــك

هـاك أبرتك. .و الخيـط خويــه إمش عنــــــٌي
لو بـيـــٌه أشل إجروح .. جان أشل ذَنـٌــــــــي

جرح الفـــراك إيهون عن جرح الــــوداع
البيه دليلي إنصــاب يتطشـٌر أربـــــاع
زين وتشوفه الناس دلاٌلـك أربـــــــــاع
دلاٌلي من فركــاه مثل الثلج مـــــــــاع

لاتســأل إعله الحال خلـٌيها سكتــــــــــــــــــــه
تسأل على المكتول والكاتل إنتـــــــــــــــــــــه

يسألني البطران إعربلي كــــــــــــانَ
حسباله مثل العام عقلي إبمكانـــــــــــه

شحجي وتريد الناس من عندي أحجـــــي
دمعتي إبطرف العين بس أحجي أبجـــــي

يسألني البطران حالك إشلونـــــــــــه
الغاضب الله إعليه هم ينشدوونــــــــــه

فن الدارمي من الفنون الراقية والتي تميز بها الشعر الشعبي العراقي عن غيره
فعبقرية الشاعر العراق تتجلى من خلال هذا الفن فهو يختصر لك قصة كامله
في بيت واحد وارهاصات شاعر في شطر وعجز
فأنظر لذلك الشاعر العراقي رغم أميته وهو يصف معاناته مع غدر صاحبه

ناكَــه صرت للناس درّن ثداياي
تاليها للكَـصاب جابتني دنيـــــاي
***
أنا ما همني الكَصـــاب الـعــــلكَـ اجلاي
هـمـني الصــديق الكَـــال عيرلي من هاي

والحقيقة أنا حين قرأت الدارميات التي نقلتها أستاذ تحسين أغرورقت عيناي
بالدموع وأطلقت العنان لنفسي بالبكاء حين وصلت الى الدارمي الذي يقول

هاك أبرتك والخيط خويه أمشي عني
لو بيه أشل أجروح جان أشـل ذنــي

وتخيل كم رائع هذا الشاعر الذي على بساطة تلك الكلمات استطاع أن يوظفها لتحتوي
على كل هذا الكم الهائل من الفلسفة الروحية فهو يطرح أمام المتلقي محادثة يغلفها العتاب
لصديق جعلك تتصور أنه سأله أن يعطيه أبرة وخيط لرتق جروح ذاك الصديق الذي كان
أيضاً يشتكي بعض ما يعتريه من الأسى وذلك كله في شطر من ستة كلمات ليأتي في عجز
البيت فيطلعك على معاناته التي تفوق حزن صاحبه بحيث لا يمكن مقارنتها مع ما يكابده
صديقه من ألم وجراح فهو يجعلك تظن أن جرح صاحبه واحد ولكن جراحه كثيره حيث أطلق
وهو يعني جراحه كلمة ( ذنــّي ) فلا يكفي أن نقف احتراماً لهؤلاء الشعراء ولكن نقول
الحمد لله أن بكل ركن من أركان الأبداع لنا معجزة.


كامل معن العقابي

استاذي الكريم اولا شكرا لمرورك
ثانيا الف شكرا لك على تحليلك الدارمي ليتسنى للذين مايعرفوا ماهو الدارمي
ثالثا اطلب منك ان تكتب دارميات من كتاباتك وتطرحها هنا في المنتدى

والله يا أستاذ تحسين انا الحقيقة كتبت دارميات
يعدون على أصابع اليد وتقريباً معظمها ردود على دارميات
معروفه كهذه الدارميات

القصد مو تشييع ألتموا عليه
متحيره الشمات شتسةي بيه
***
شماتي مو شمات شماتي وليه
ويه الجفن يا ناس لفولي حيه
***
الشامت ضميره أذاه من جسمي جووه
كلهم عليش النار بتيزاب أحركوه

وطبعاً هذا كل ما يحضرني من دارميات كتبتها
وشكراً لكم

كامل معن العقابي